De la vita d’Esòp, no’n sabem de vertat quasi arren, a despart de quauquas hèitas legendàrias : que seré estat un esclau grèc deu sègle VIau abans J.C., gran disedor de fablas. Vadut en Frigia o dilhèu en Traça, que seré estat aucigut peu monde de Dèlfes, lo gran sanctuari de l’espaci culturau grèc.
Qué que ne sia, los petits apològues atribuits a Esòp qu’an avut ua gran fama dinc au dia de uei e son passats a la posteritat.
Au nombe de 250 o 500 segon los editors, las fablas d’Esòp que son estadas e que demoran ua de las honts deus fabulistas.
