Descripcion
Un recuelh de 42 tèxtes, tots escriuts en Vath d’Aspa, deu sègle XVIau dinc au sègle XXau, en occitan bearnés. Cuelhuts per Joan Eygun dens los archius, que son acompanhats d’ua revirada francesa, de comentaris linguistics, d’un lexic e d’un index. Tots aquestes tèxtes que pòrtan testimoniatge de l’istòria de la lenga e de la societat pirenencas : testaments, maridatges, ventas e crompas de tèrra, de heugars o de molins, reglaments taus pastors, deliberacions de las comunautats, cronica deus eveniments, costumas e dret ancian mes tanben auròsts, complentas o enquista linguistica. Ua hondan de las bonas tà l’istòria de la nosta lenga.
