Descripcion
En 1551-1552, los fòrs antics de Bearn qu’estón reformats peu Senhor soviran de Bearn, Enric II, e los Estats de Bearn tà melhorar e modernizar lo fonccionament de l’Estat e de la Justícia.
Vertadèr monument istoric e testimoniatge simbolic de las libertats bearnesas, los Fors et costumas de Bearn publicats a Pau en 1552 que son tanben lo prumèr libe imprimit en occitan gascon.
Dens l’espaci occitan, lo Bearn qu’avè de hèit podut guardar l’usatge oficiau de la lenga deu pòple mentre tots los autes parçans d’Òc èran passats au francés, lenga deu rei de França.
Los Fors et costumas de Bearn qu’amuishan donc quin èra enqüèra possible de pensar e d’emplegar la lenga d’òc en tota normalitat e dignitat.
Un libe qui demora de compte har dens l’istòria lingüistica occitana.
Lo tèxte originau de 1552 qu’ei balhat in extenso, en tot arrrespectar estrictament las grafias originaus de 1552, dab ua revirada francesa cap e cap. Ua presentacion e ua analisi lingüistica que davantejan lo tèxte deus fòrs.
