Descripcion
Peiras, malhs, arròcas o penas que’s tròban a cada pas dens la montanha pirenenca. E lo monde de la montanha qu’an, de quan en quan, imaginat istòrias o legendas ligadas ad aqueths calhaus vists e encontrats cada dia.
Terèsa Pambrun que’ns prepausa dens Memòrias de peira un viatge dens l’imaginari e lo legendari pirenencs. Dens un balanç enter las fotografias en colors deus paisatges e de las peiras encontradas, que’ns liura las soas interpretacions, los sons esplics, la soa mirada, quauqu’un còp las soas interrogacions.
Ua vertadèra descubèrta de la cultura e deus paisatges de la montanha pirenenca, editada en tres lengas : l’occitan gascon, lo francés e lo castelhan (version devuda a Tòni Escala)
